Translate

الأربعاء، 2 سبتمبر، 2015

ﺗﻤﻨّﻴﺖ ﻧﻜﻮﻥ ﻃﻔﻞ .. ﺑﺎﺵ ﺗﺘﻨﺤّﻰ ﻟﻜﻤﺎﻣﺔ ﻋﺎﻟﻔﻢ ,, ﻭ ﻧﻘﻮﻝ ﺍﻟﻠﻲ ﻧﺤﺐّ .. ﻣﻦ ﻏﻴﺮ ﺧﻮﻑ .. ﺑﺎﺵ ﻛﻴﻒ ﻧﺤﺐّ ﻣﺎ ﻧﺸﺎﻭﺭﺵ .. ﺑﺎﺵ ﻛﻲ ﻧﻐﻠﻂ .. ﻣﺎ ﻧﺴﺎﻣﺤﺶ .. ﺍﻱ ,, ﺗﻤﻨّﻴﺖ ﻧﻜﻮﻥ ﻃﻔﻞ .. ﻭﻗﺖ ﺍﻟﻠّﻲ ﻧﺨﺮﺝ ﻟﻠﺸّﺎﺭﻉ ﻭ ﺍﻟﻌﻴﻨﻴﻦ ﻣﺎ ﺗﺮﺣﻤﺶ .. ﻭﻗﺘﻠّﻲ ﺗﺴﻤﻊ ﺍﻟﻜﻠﻤﺔ ﺍﻟﺨﺎﻳﺒﺔ ,, ﻭ ﻻﺯﻣﻚ ﺗﻄﺒّﺲ ﺭﺍﺳﻚ ﻭ ﻣﺎ ﺗﺮﺟّﻌﺶ .. ﻋﻼﺵ ؟؟ ﺧﺎﻃﺮﻙ ﻃﻔﻠﺔ
ﺗﻤﻨّﻴﺖ ﻧﻜﻮﻥ ﺫﻛﺮ .. ﻓﻲ ﺑﻼﺩ ﺍﻷﻧﺜﻰ ﻓﻴﻬﺎ ﺧﺮّﺍﻓﺔ ﺃﻣّﻲ ﺍﻟﺴّﻴﺴﻲ ﻣﻦ ﻓﻢ ﻟﻔﻢ .. ﻭ ﺍﺳﻤﻊ ﻳﺎ ﺍﻟﻠّﻲ ﻣﺎ ﺳﻤﻌﺘﺶ .. ﻣﻬﻤﺎ ﺗﻠﺒﺲ ﻣﺎ ﻳﻌﺠﺒﺶ .. ﺍﻟﻠﻲ ﻣﺘﻌﺪّﻱ ﻳﻤﺴﺢ ﻓﻴﻬﺎ ﺇﻳﺪﻭ ﻭ .. ﻭ ﻳﺨﻠّﻲ ﻋﻠﻰ ﻋﺘﺒﺘﻬﺎ ﺫﻧﻮﺑﻮ .. ﻋﻼﺵ ؟؟ ﺧﺎﻃﺮﻭ ﻃﻔ
ﻭﻗﺖ ﺍﻟﻠﻲ ﻳﺠﻴﻚ ﻟﻠﺪّﺍﺭ ﺧﺎﻃﺐ .. ﻻ ﺩﺍﺭ ﻻ ﻣﺴﺘﻘﺒﻞ .. ﻫﺎﻣﻞ .. ﺑﻤﻘﺺّ ﺍﻟﻨّﺎﺭ ﻣﺎ ﻳﺘﻬﺰّﺵ .. ﺍﻟﻠﻲ ﺷﺮﺑﻮ ﺑﻴﺮﺓ ﻗﺪّ ﺍﻟﻠﻲ ﻗﺮﻳﺘﻮ ﺍﻧﺖ ﻛﺘﺐ .. ﻣﺨّﻮ ﺑﻨﺎﺕ ﻭ ﺧﺮﺟﺎﺕ ﻭ ﺳﻬﺮﻳﺎﺕ ﻟﻠﻔﺠﺎﺭﻱ .. ﻭ ﻛﻞّ ﻣﺎﺗﺶ ﻛﻮﺭﺓ ﻳﻮﻛّﻠﻚ ﻣﺎ ﻛﺘﺐ .. ﻭ ﺣﻂّ ﺛﻢّ ﺗﻠﻘﻰ ﺛﻢّ .. ﺍﻟﺴّﻴّﺪ ﻻ ﻳﻌﺮﻑ ﺟﺒﺮﺍﻥ ﺧﻠﻴﻞ ﺟﺒﺮﺍﻥ ﻭ ﻻ ﺑﺎﻭﻟﻮ ﻛﻮﺍﻟﻮ .. ﻳﺤﺒّﻚ ﺗﺒﻄّﻞ ﺍﻟﻘﺮﺍﻳﺔ .. ﻭ ﺗﺘﻠﻬﺎﻟﻮ ﺑﺼﻐﺎﺭﻭ
ﻭ ﻛﻲ ﺗﺤﻞّ ﻓﻤّﻚ ﺑﺎﺵ ﺗﻘﻮﻝ ﻻ .. ﺗﺪﻋﺜﺮ ﻓﻲ ﺷﻔﺎﻳﻔﻚ ﻭ ﻣﺎ ﺗﺨﺮﺟﺶ .. ﻋﻼﺵ ؟؟ ﺧﺎﻃﺮﻙ ﺃﻧﺜﻰ ﻓﻲ ﻋﺎﻟﻢ ﺍﻟﺮّﺍﺟﻞ ﻓﻴﻪ ﻣﺎ ﻳﺘﻌﻴّﺒﺶ .. ﺧﺎﻃﺮ ﺻﻮﺗﻚ ﻣﺎ ﻳﺘﺴﻤﻌﺶ .. ﻭ ﺍﻟﻼّ ﻛﻲ ﺗﺘﻘﻮّﻯ ﻋﻠﻰ ﺑﺪﻧﻬﺎ ﻭ ﺗﺨﺮﺝ .. ﺗﺘﻘﻠﺐ ﻭ ﺗﻮﻟّﻲ ﺍﻟﻠّﻪ ﻳﺒﺎﺭﻙ .. ﺧﺎﻃﺮ ﺳﻜّﻴﻨﺔ ﺑﻮﻙ ﻋﻠﻰ ﺭﻗﺒﺘﻚ ﻣﺴﻠﻮﻟﺔ .. .. ﺧﺎﻃﺮ ﻛﻠﻤﺔ ﻻ .. ﺗﺠﻴﺐ ﺍﻟﺒﻼﺀ !!
رجل و رجل و رجال aiment ça
    بقلم 
پہٰہ'ہٰنہت نہعہۧہٰيمے

المشاركات الشائعة لهذا الأسبوع